Klubu ilə yenidən anlaşdı

Unay Emeri “Aston Villa”nı hələ uzun müddət çalışdıracaq.

İngiltərə klubu baş məşqçi ilə müqaviləni yeniləyib. “The Athletic” qəzetinin yaydığı xəbərə görə, ispaniyalı mütəxəssislə müqavilənin müddəti 2027-ci ilin yayına qədər uzadılıb. Emeri İngiltərə klubunu 2022-ci ildən çalışdırır. Komanda hazırda premyer-liqada 34 oyuna 66 xalla 4-cü yeri tutur.

Xatırladaq ki, Emeri ilə “Barselona” və “Bavariya”nın maraqlandığı iddia edilirdi.