Anası Fərdanın uşaqlıq ləqəbindən DANIŞDI: “Ona deyirdim ki, ayıbdır, belə demə, bizə gülərlər” - VİDEO

Aktyor və “stand-up”çı Fərda Aminin (Xudaverdiyev) anası  Zeynəb xanım “İncə səhər” verilişinin canlı efirinə zəng edib. 

Bizim.Media xəbər verir ki, sənətçinin valideyni övladının uşaqikən qoyduğu ləqəbindən danışıb. 

“Fərdanı o qədər istəmişəm ki, sevgim azalar deyə sonraki uşağa icazə verməmişəm. Qızımı da sevmişəm. Fərdanın özündən böyük bacısı var. Amma oğluma sevgim bambaşqadır. Fərda uşaq ikən deyirdi ki, “Xudaverdiyev Könül Akif qızı (bacısını nəzərdə tutur – red.), Xudaverdiyev Fərda Zeynəb oğlu”. Bunu eşidəndə isə mən söyləyirdim ki, “Ayıbdır belə demə, bizə gülərlər. Adam atasının adını deyər”. Cavab verirdi ki, “Ana bəs sənin uşağın olmasın (gülür). O nəsə edəndə Fərdaya deyirdim ki, “Utanmırsan?”… Onda heç zaman “utanmaq” söhbəti olmayıb. Oğlum Fərdadan yerdən-göyə qədər razıyam. Hamıya öz övladlarım kimi uşaq arzulayıram”, - deyə Fərdanın anası bildirib. 

Proqramın efirində qonaq olan Fərda bildirib ki, bir müddət əvvəl anası böyrəklərindən əməliyyat olunub: 

“Anam beş ayın içində iki dəfə ard-arda əməliyyat olundu və bir böyrəyi xaric edilib. Özümüz də bunu gözləmirdik. Zamanında anama tibbi müdaxilə olundu. Hazırda ev şəraitində müalicələri davam edir. Dərmanlar qəbul edir. Şükür olsun bu günə”.