Rusiya müharibədə lazım olduğundan daha çox silah istehsal edir - Pistorius

Almaniyanın müdafiə naziri bildirib ki, Rusiya Ukraynadakı müharibə üçün lazım olduğundan daha çox silah və sursat istehsal edir.

Modern.az xəbər verir ki, Boris Pistorius bunu ARD telekanalına müsahibəsində qeyd edib.

O deyib ki, hazırda Rusiya hərbi anbarları silah və sursatla doludur: "İstehsal olunanların çoxu və ya bir hissəsi artıq cəbhəyə getmir, anbarlara yığılır".

Almaniyanın müdafiə naziri hesab edir ki, Vladimir Putinin hərbi ambisiyalarını təmin etmək üçün çoxlu sayda silah lazımdır: “Sadəlövh ola bilərsən və deyə bilərsən ki, o, bunu yalnız ehtiyatla edir. Bir skeptik kimi, daha çox deyim ki, bu halda o, nəyisə planlaşdırdığı və ya bəlkə də ağlında nə isə olduğu üçün bunu edir”.