Ceyhun Nuriyev “qırmızı” ilə barışdı

“Oyuna yalnız və yalnız qələbə üçün çıxmışdıq. Qələbənin bizi turnir cədvəlində hansı yerə gətirəcəyini bilirdik. Şükür ki, istəyimizə nail olduq. Razıyam, azlıqda qalanda daha yaxşı oynadıq. Çünki qələbəyə inanırdıq. Hesabda geri düşəndə də, “qırmızı” alanda da inamımızı itirmədik. Azlıqda qalmaq bizə daha çox məsuliyyət yüklədi. Matç bitəndən sonra “qırmızı” aldığım epizoda baxdım. Adıma şanssızlıq oldu. Qaçmaq istəyərkən əlim təsadüfən rəqibə dəyir. Bu qərarla mübahisə etməyəcəm”.

“Rəqibi analiz edirik. “Qəbələ” güclü və təhlükəli rəqibdi. Hesabda öndə olmağımız bizi arxayınlaşdırmır. Finala çıxmaq üçün hər şeyi edəcəyik. Çempionatda hədəfimiz isə ikinci yeri tutmaqdı. Vəziyyət gərgindi, səhv etməməliyik”.