Qırğızıstan Qarabağda məktəb tikintisində iştirak edən üçüncü ölkə olacaq

Laçın, 24 aprel, AZƏRTAC

Hazırda Qırğızıstan Prezidenti Sadır Japarovun Azərbaycanda rəsmi səfərdə olması çox sevindirici haldır. Artıq Qırğızıstan da Azərbaycanın işğaldan azad olunmuş ərazilərində tikinti-quruculuq işlərində iştirak edəcək.

AZƏRTAC xəbər verir ki, bu barədə ADA Universitetinin prorektoru Fariz İsmayılzadə “COP29 və Azərbaycan üçün Yaşıl Baxış” beynəlxalq forumu çərçivəsində aprelin 24-də Laçında keçirilən Qarabağda dayanıqlı inkişafa həsr olunmuş paneldə bildirib.

Fariz İsmayılzadə məlumat verib ki, Qırğızıstan Prezidentinin Azərbaycana səfəri çərçivəsində Qarabağda növbəti təhsil ocağının təməli atılacaq.