Yaponiyadakı zooparkda erkək olduğu düşünülən begemotun əslində, dişi olduğu 7 il sonra aşkarlanıb.
Yenisabah.az xəbər verir ki, baxıcılar Gen-çan adlı 12 yaşlı begemotun tipik erkək davranışı nümayiş etdirmədiyini gördükdən sonra DNT testi aparıblar. Gen-çan 2017-ci ildə Meksikadan Osaka zooparkına gətirilib və gömrük sənədlərində onun erkək olduğu qeyd olunub.
Zoopark işçiləri bu hadisədən şoka düşdüklərini bildiriblər, onlar bunu gözləmədiklərini etiraf ediblər.
Tennoji zooparkı öz saytında Gen-çanın əsl cinsinə dair xəbəri təsdiqləyib.