Beynəlxalq zəng mərkəzinin fəaliyyəti ləğv edildi: Milyonlarla zərər vurublar

Hüquq-mühafizə orqanlarının əməkdaşları Odessada özlərini Çexiya Mərkəzi Bankının əməkdaşları kimi təqdim edərək əcnəbiləri aldadan zəng mərkəzinin fəaliyyətini dayandırıblar.

Sfera.az bildirir ki, 2022-ci ilin sentyabrından Ukrayna vətəndaşları və bir qrup əcnəbi Odessada ofis sahəsini icarəyə götürüblər. Onlar burada Praqadan “bank operatoru” kimi fəaliyyət göstərən geniş miqyaslı zəng mərkəzinin fəaliyyətini təşkil ediblər.

Cinayətkar qruplaşmanın üzvləri Çexiya vətəndaşlarına zəng edərək, özlərini Çexiya Xalq Bankının “texniki dəstəyi” kimi təqdim ediblər. Buna görə də müştəriləri aktivlərin oğurlandığı və hesabı qorumaq zərurətinə inandırıblar. 

Müəyyən edilib ki, zərərçəkənlərə ümumi məbləği 5,5 milyon UAH-dan çox ziyan dəyib. Çexiyada 20 milyon çex kronundan, yəni 33 milyon UAH-dan çox məbləğdə fırıldaqçılıq halları sənədləşdirilib.

Artıq faktla bağlı 17-si əcnəbi olmaqla 20 nəfər şübhəli şəxs qisminsə saxlanılıb.

Ukraynanın üç vətəndaşı cinayət təşkilatı yaratmaq və orada iştirak etməkdə və dələduzluqda (Ukrayna Cinayət Məcəlləsinin 255-ci, 190-cı maddəsi) ittiham olunur. Çexiyanın hüquq-mühafizə orqanlarının əməkdaşları ilə birgə tədbirlər nəticəsində Odessada 6 əcnəbi saxlanılıb.

Odessada və Çexiya ərazisində aparılan axtarışlar zamanı şübhəlilərdən 44 noutbuk, 59 telefon, demək olar ki, yarım milyon Azn nağd pul, 80 min ABŞ dolları, 1 min avro və 7 avtomobil müsadirə edilib.

Odessa polisi əlavə edib ki, sövdələşməni Dneprdən olan qırx yaşlı ukraynalı təşkil edib.

Həmçinin bildirilir ki, bir sıra hallarda fırıldaqçılar qurbanlarını nağd pul çıxarmağa və guya pulları təhlükəsiz yerə çatdıracaq saxta kuryerə verməyə inandırıblar.

Qeyri-qanuni fəaliyyətdən əldə edilən vəsait kriptovalyutaya çevrilib. Əksər hallada isə dost və qohumların adına rəsmiləşdirilən lüks avtomobillər və daşınmaz əmlaklar alınıb.

Xanım

Sfera.az