Arxeoloqlar İsveçdə 12-ci əsrə aid sirli məzar tapıblar

Bu yaxınlarda isveçli arxeoloqlar arxeoloji qazıntılar zamanı 12-ci əsrə aid məzar və orada basdırılmış xəzinələri aşkar ediblər. Vətəninfo.az xəbər verir ki, Yönköpinq qraflığı muzeyi martın 27-də İsveç dilindən ingilis dilinə tərcümə olunmuş press-relizdə tapıntı barədə məlumat verib. Kəşf İsveç adasındakı Visinqsyo şəhərində köhnə kilsənin məzarının qazılması zamanı edilib. Sikkələr, ekspertlərin fikrincə, ölən zaman 20-25 yaşlarında olan kişinin məzarından tapılıb. Metal parçalar 1150 ilə 1180 arasında hazırlanmışdır.

Cəmi 170 gümüş brakteat, bir tərəfi zərb edilmiş yastı sikkələr aşkar edilmişdir. Eyni zamanda, sikkələrin xristian məzarından tapılması arxeoloqları çaşdırıb. Erkən orta əsrlərdə xristianlar arasında bir adamı sikkə ilə basdırmaq adət deyildi.