Köçəryan sərhədin müəyyənləşməsi haqda: Ola bilsin ki, mübahisəli ərazilərdən...

Tavuş rayonundakı ərazidə dövlət sərhədi müəyyən edildikdən sonra sərhədçilər tərəfindən mühafizə olunacaq. Bundan sonra, sərhədin bütün perimetri boyunca proses davam edəcək.

Publika.az xəbər verir ki, bunu Ermənistan parlamentin müdafiə və milli təhlükəsizlik üzrə komissiyasının rəhbəri Andranik Köçəryan deyib.

Köçəryan “mübahisəli ərazilər”lə bağlı sualı cavablandırarkən deyib ki, danışıqlar prosesi başlayacaq ki, sərhədlər düzgün çəkilsin və tərəflər qəbul etsinlər: “Onlara məxsus olan onlarındır, bizə aid olan isə bizimdir”, - deyə Köçəryan əlavə edib.

Onun sözlərinə görə, ola bilsin ki, mübahisəli ərazilərdən müvəqqəti olaraq “yan keçilsin”.