''Qalatasaray''da Əbdülkərim ilə bağlı yeni qərar

''Qalatasaray''da öz oyunu ilə alqış toplayan Əbdülkərim Bardakcı ilə bağlı yeni qərar qəbul olunub.

Belə ki, 29 yaşlı futbolçu Fernando Muslera, Mauro İkardi və Kərəm Aktürkoğlunun ardından komandanın 4-cü kapitanı seçilib. Xüsusilə gənc futbolçulara dəstək və məsləhətlər verən, məşqçilər korpusunun işini asanlaşdıran Əbdülkərim əvvəlki klubu ''Konyaspor''da da kapitanlardan biri idi. Bilindiyi kimi ''Qalatasaray''ın ötən həftə müqaviləni yenilədiyi 5 futbolçu arasında Bardakcı da var idi. Bu futbolçu 2022-ci ildə ''Cim-Bom'' ilə ''3+1'' illik müqavilə imzalamışdı. Ötən həftə həmin o şərti müqavilə qüvvəyə mindi. Bu da o deməkdi ki, Əbdülkərim 2026-nın yayına qədər İstanbul nəhəngində qalacaq. Türkiyə yığmasına da daimi dəvət alan təcrübəli oyunçu müdafiəçi olmasına rəğmən məhsuldarlığı ilə diqqət çəkir. Bu mövsüm bütün turnirlərdə onun aktivində artıq 7 qol var. Bardakcı daha bir dəfə fərqlənəcəyi təqdirdə şəxsi rekordunu yeniləyəcək.

ƏLİ