Dünya
Ukraynaya göndəriləcək hərbi yardımın böyük hissəsi Avropadadır
17:38 23.04.2024
- Smartbee
- Şikayət et
Pentaqon və Senat əmindir ki, ABŞ-nın Ukraynaya yardımı yekun təsdiqdən sonra ilk paket həftənin sonuna qədər yola düşəcək. Bununla belə, silahların çoxu artıq Avropadadır.
Reyting.az-ın xəbərinə görə, CNN ABŞ-dakı məlumatlı mənbəyə istinadla bildirib ki, Amerika yardımının böyük hissəsi artıq Almaniya və Polşadakı anbarlara yerləşdirilib. Aydındır ki, bu, onun Ukraynaya çatdırılması üçün tələb olunan vaxtı azaldacaq.
Mənbə onu da bildirib ki, ilk olaraq Ukraynaya artilleriya mərmiləri çatdırılacaq. Kiyev rəsmiləri onları lazım olan yerə mümkün qədər tez çatdırmağa çalışacaq. Lakin mövcud materialın böyük miqdarını nəzərə alsaq, yenə də əhəmiyyətli bir logistik problemidir. Başqa sözlə, Rusiyanın 10:1 üstünlüyü bir gecədə məhv olmayacaq.
Qeyd olunur ki, Ağ ev Ukraynaya daha böyük hərbi yardım göndərməyə hazırlaşır. Buraya artilleriya, hava hücumundan müdafiə və zirehli texnika da daxil olacaq.
ELÇİN
Şərh ()