“Məqsəd Avropa çempionu olmaqdır” – Müller

“Bavariya”nın və Almaniya yığmasının hücumçusu Tomas Müller millinin 2024-cü il Avropa çempionatında hədəflərindən danışıb.

İdmanxeber.az-ın məlumatına görə, təcrübəli futbolçu ölkəsinin şanslarını belə dəyərləndirib:

“Mən bilirəm ki, sonda həmişə vacib olan nəticədir. Təbii ki, Almaniya komandasının məqsədi Avropa Çempionatını qazanmaqdır”.

2024-cü il futbol üzrə Avropa çempionatı iyunun 14-dən iyulun 14-dək Almaniyada keçiriləcək. Turnirdə 24 komanda iştirak edəcək. 

Bu mövsüm 34 yaşlı Müller 36 oyuna çıxıb, 7 qol vurub və 9 məhsuldar ötürmə edib.