“İran Azərbaycan və Ermənistan arasında razılaşmanı alqışlayır” – Kənani

“İran Azərbaycan və Ermənistan arasında delimitasiya komissiyasının iclasında əldə olunmuş razılaşmaları alqışlayır və tərəfləri regionda sabitlik üçün səyləri davam etdirməyə çağırır”.
Yeniavaz.com IRNA agentliyinə istinadla xəbər verir ki, bu barədə İran Xarici İşlər Nazirliyinin mətbuat katibi Nəsir Kənani bildirib. 
“Azərbaycan və Ermənistanın sərhəd məsələlərini bir-birinin suverenliyi və ərazi bütövlüyünə qarşılıqlı hörmət çərçivəsində sülh yolu ilə həll etmək üçün davamlı səyləri Cənubi Qafqazda davamlı sülh və sabitliyin bərqərar olması üçün böyük əhəmiyyət kəsb edir”, - deyə XİN mətbuat katibi əlavə edib.