“Sumqayıt” gürcü futbolçu ilə bağlı qərarını verdi

“Sumqayıt” klubunun “Kəpəz”in legioneri Georgi Papunaşvili ilə maraqlandığı xəbərini vermişdik.

İdmanxeber.az-a verilən məlumata görə, “kimyaçılar”ın rəhbərliyi bu transferdən vaz keçib. Buna səbəb gürcüstanlı futbolçunun tez-tez zədələnməsidir. 

Hazırda rəhbərlik növbəti mövsüm üçün çalışmalarını davam etdirir. Transferdə öncəlik komandaya yaradıcı bir futbolçu cəlb etmək olacaq. 

Xatırladaq ki, gürcüstanlı yarımmüdafiəçinin “sarı-göylər”lə müqaviləsi yayda başa çatacaq.