Bağdad yaxınlığındakı Kalsu hərbi bazasında partlayış baş verib. "Yeni Azərbaycan" xəbər verir ki, bu barədə "Reuters" məlumat yayıb.
Dəqiqləşdirilir ki, Babil əyalətində, 50 kilometr cənubda yerləşən obyekt Əl-Həşd əş-Şaabi qüvvələri tərəfindən istifadə olunur. Nəşrin məlumatına görə, bazaya hava zərbəsi endirilib.
“France Presse” agentliyi İraq Daxili İşlər Nazirliyindəki mənbəyə istinadən, hücumda bir nəfərin öldüyünü, 8 nəfərin yaralandığını qeyd edib. O da qeyd olunur ki, hücumun arxasında kimin olduğu hələlik məlum deyil.
Havar Şəfiyeva