Proses bitdi - Artıq bir-birlərini vurmayacaqlar

İsrail və İran artıq bir-birindən qisas almaq niyyətində deyil.

Teleqraf.com xəbər verir ki, bu barədə CNN ölkələrindən birinin kəşfiyyat xidmətlərindəki mənbəyə istinadla məlumat yayıb.

Kanal bildirib ki, qarşılıqlı hücumlar silsiləsi başa çatıb. Yəni yəhudi dövlətinə aid edilən son hücuma cavab olaraq İranın İsrailə hücumu gözlənilmir.

CNN qeyd edib ki, son addım İsrailin aprelin 13-də İranın hücumuna cavabı olub.

Hücumda İran ordusunun İsfahan əyalətindəki bir sıra hərbi obyektlərinin vurulduğu deyilir.