Üç ayda DSMF-də 69 mindən çox vətəndaş müraciəti cavablandırılıb

Bakı, 19 aprel, AZƏRTAC

2024-cü ilin yanvar-mart ayları ərzində Dövlət Sosial Müdafiə Fonduna (DSMF) ümumilikdə məktub, telefon zəngi və sosial şəbəkə hesabları vasitəsilə 69 min 296 vətəndaş müraciəti ünvanlanıb və cavablandırılıb.

Bu barədə AZƏRTAC-a Fondun mətbuat xidmətindən məlumat verilib.

Müraciətlərin 62 min 255-i rəsmi məktub və telefon zəngi, 7 min 41-i isə sosial şəbəkə hesablarından daxil olub.