Almaniya siqaret satışına tam qadağa qoyulmasını müzakirə edir

Böyük Britaniya parlamenti dünən birinci oxunuşda Avropanın ən sərt siqaret əleyhinə qanunu nəzərdən keçirib. Baş nazir Rişi Sunak tərəfindən irəli sürülən qanun layihəsinin mətninə əsasən, 2009-cu ildən sonra doğulan heç bir yeniyetmə Böyük Britaniyada qanuni olaraq heç vaxt siqaret ala bilməyəcək.

HİT.az xəbər verir ki, Almaniyada da öz növbəsində siqaret probleminin oxşar həllinin mümkünlüyünü müzakirə edirlər. Federal hökumətin narkotik komissarı Burkhard Blienert deyir ki, sərt tütün qanunları nümunə olmalıdır.

"Digər ölkələrdə siqaret probleminin ciddi şəkildə müalicə olunmasından nümunə götürə bilərik. Mən bunu vəzifəyə gəldiyim ilk gündən deyirəm: Bizim fəaliyyətə böyük ehtiyacımız var. Almaniyada hər il 127 min insan siqaretdən ölür. Bu davam edə bilməz", deyə Blinert bildirib.

Alman Xərçəng Araşdırma Mərkəzinin eksperti Katrin Şaller də qeyd edir ki, Almaniya onilliklər ərzində tütünlə mübarizə tədbirlərini həyata keçirməkdə çox tərəddüd edib, çox vaxt yalnız Aİ tövsiyələrinə cavab verib.

Bundestaqın üzvü və səhiyyə eksperti Tino Sorge hesab edir ki, Almaniyada mövcud hökumət siqaret problemini effektiv şəkildə həll etmir.

"Hakim koalisiya tez-tez tütünlə birlikdə çəkilən sirri leqallaşdırıb. Bu o deməkdir ki, hökumət heç vaxt olmadığı qədər siqaret çəkməyənləri qorumaqdan daha da uzaqlaşıb", deyə deputat bildirib.

Bununla belə, tütün satışına qadağa qoyulmasının qəti əleyhinə olan deputatlar da var.

"Biz Yaşıllar Britaniya modelinə əsaslanan qanunvericiliyi rədd edirik. Qadağalar alkoqol, marixuana və ya siqaretin istifadəsini dayandırmır. Lazım olan daha çox qarşısının alınması, siqaret məmulatlarının satıldığı yerlərin azaldılması və tütün məmulatlarına daha yüksək vergi qoyulmasıdır", deyə Bundestaqın Yaşıllar Partiyasından olan üzvü Yanos Dahmen bildirib.

Samir