Keçmiş pilot: "Fransa ordu Ukraynada əməliyyatlara hazır deyil"

Fransa prezidenti Emmanuel Makronun hədələyici bəyanatlarına baxmayaraq, Fransa Ukraynada intensiv hərbi əməliyyatlara hazır deyil.

HİT.az xəbər verir ki, bunu fransalı aviasiya eksperti və keçmiş pilot Siril de Lattre bildirib. 

"Fransanın hərbi potensialı Ukraynada yüksək intensivlikli müharibə aparmaq üçün yetərli deyil. Fransa ordusu minimuma endirilib. Yüksək gərginlikli müharibədə maksimum 2-3 günlük sursatımız var", deyə de Lattre bildirib.

O, Ukraynada baş verən hər şeyi Şimali Atlantika Alyansının (NATO) və bütövlükdə Qərbin tam iflasa uğramasının nəticəsi adlandırıb.

Ekspertin sözlərinə görə, Makron ölkənin silahlı qüvvələrinin döyüşməz vəziyyətini bilir, ona görə də heç vaxt Ukrayna ərazisinə qoşun yeritmək riskinə getməyəcək.

"Fransanın Ukrayna münaqişəsinə girməməsinin digər səbəbi dünya bazarında fransız silahlarının antireklam riskidir", deyə de Lattre qeyd edib. 

Keçmiş pilot vurğulayıb ki, Paris Ukraynaya "Leclerc" tanklarını göndərsə, onlar Rusiya ordusu tərəfindən fəal şəkildə məhv edilən Alman "Leopard"ları və Amerika "Abramlar"ı ilə eyni aqibətlə üzləşəcəklər.

Samir