Dibala da “Barselona”nın hədəfindədir

Paulo Dibalanın müştəriləri siyahısına daha bir klub qoşulub. “Barselona” yayda argentinalı yarımmüdafiəçini heyətinə qata bilər.

Futbolinfo.az xəbər verir ki, İspaniya nəhəngi maliyyə problemləri üzündən bir neçə futbolçusunu satmalı olacaq. Gənc istedadlarını yüksək məbləğə göndərmək niyyətində olan “Barselona” əvəzində Dibala kimi keçidi daha ucuz başa gələn ulduzları sıralarına qatmaq niyyətindədir.

Hazırda “Roma”da çıxış edən Dibalanın sərbəstqalma dəyəri 12 milyon avrodur. Kimsə bu məbləği ödəsə, İtaliya klubunun yarımmüdafiəçini saxlamaq imkanı olmayacaq. “Barselona” da bu şansdan yararlanmaq istəyir.