“İstəyirik, “Nə yaxşı ki, Azərbaycan 50 metrliyimizdədir”, deyəsiniz” – Paşinyan

“Ermənistan hakimiyyəti Azərbaycanın Ermənistanla sərhəd kəndlərinə yaxınlığının sərhədyanı kəndlərin sakinlərini narahat etməməsini istəyir”.
Yeniavaz.com “Armenpress” agentliyinə istinadla xəbər verir ki, bunu Ermənistan Baş nazir Nikol Paşinyan Tavuş vilayətinin Kirants kəndinin sakinləri ilə görüşündə deyib.
“Məqsədimiz, ideyamız ondan ibarətdir ki, siz həyəcanla “Azərbaycan 50 metrliyimizdədir” demək əvəzinə, “Nə yaxşı ki, Azərbaycan 50 metrliyimizdədir, biz orada ticarətlə məşğul olacağıq, təsərrüfat quracağıq”, deyəsiniz. Ola bilsin ki, avtomobillərin keçəcəyi keçid məntəqəsi də tikilsin və Ermənistana bunun üçün pul ödənilsin”, - Paşinyan bildirib.