Dünya
Dünyanın ən böyük fişinq platformasına ağır zərbə endirildi - 37 nəfər saxlanıldı
13:14 18.04.2024
- Smartbee
- Şikayət et
Avropa Birliyinin ortaq hüquq-mühafizə orqanı \"Europol\" 19 ölkənin polis qüvvələrinin birgə keçirdiyi əməliyyatla dünyanın ən böyük fişinq platforması olan LabHost-a zərbə endirib.
AZXEBER.COM xarici mətbuata istinadən xəbər verir ki, birlik dünya üzrə 70 ünvanda əməliyyat keçirib və 37 nəfəri saxlayıb.
\"Europol\" cinayətkarların cihazları, domen adlarını, tətbiqlərini, təcrübələrini və ya xidmətlərini digər cinayətkarlara icarəyə verdiklərini və ya satdıqlarını vurğulayıb.
\"LabHost bütün dünyada kibercinayətkarlar üçün əsas platformaya çevrilib. Aylıq abunə müqabilində platforma fişinq dəstləri, səhifə hostinq infrastrukturu, qurbanlarla birbaşa əlaqə yaratmaq üçün interaktiv funksionallıq və kampaniyaya baxış xidmətləri təqdim edib. Araşdırma nəticəsində bütün dünyada təxminən 10 min istifadəçisi olan LabHost ilə əlaqəli ən azı 40 min fişinq \"domen\" aşkar edilib\" - deyə bəyanatda deyilir.
Platformanın LabRat adlı tətbiqi ilə \"iki faktorlu autentifikasiya kodları və etimadnamələri\" ələ keçirərək cinayətkarların qabaqcıl təhlükəsizlik tədbirlərindən yan keçməsinə imkan vermək üçün yaradıldığı deyilib.
Mikayıl
Şərh ()