Bakı, 18 aprel, AZƏRTAC
2024-cü ilin ilk 3 ayı ərzində ümumilikdə 345 ümumi təhsil müəssisəsində monitorinqlər aparılıb.
AZƏRTAC xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov aprelin18-də keçirilən mətbuat konfransında deyib. O bildirib ki, bu müddət ərzində 89 nəfərə xəbərdarlıq, töhmət və şiddətli töhmət verilib. Monitorinqlər nəticəsində 55 nəfər işdən çıxarılıb.