Goranboyda iki avtomobil toqquşub, 4 nəfər xəsarət alıb

Goranboyda yol-nəqliyyat hasisəsi baş verib.

APA-nın yerli bürosunun məlumatına görə, hadisə rayonun İrəvanlı kəndində qeydə alınıb. Hərəkətdə olan "VAZ-2107" və "Mercedes" markalı minik maşınları toqquşub.

Qəza zamanı 1993-cü il təvəllüdlü İlkin Səfərov, 1993-cü il təvəllüldü Ehtiram Quliyev, 1992-ci il təvəllüdlü Elşad Yaqubov və 1981-ci il təvəllüdlü Etibar Həsənəliyev xəsarət alıb. Faktla bağlı araşdırma aparılır.