Rusiya şirkətlərinin Telegram-da tanıtımına nə qədər pul xərclədiyi məlum olub

2023-cü ildə Rusiya şirkətləri Telegram messencerində tanıtım üçün 3,7 milyard rubl xərcləyib.

Bu barədə “Vedomosti” “Roskomnadzor”un məlumatlarına istinadən məlumat yayıb.

Nəşr qeyd edir ki, Telegram kanalları arasında reklam gəlirlərinin ən dinamik artımını müəllif bloqları göstərir. Nümunə kimi “Vedomosti” dizayner Artemy Lebedevin Telegram kanalını göstərir ki, onun 2023-cü ildə reklam yerləşdirməsindən əldə etdiyi gəlir 70% artaraq 123 milyon rubl təşkil edib.

Aprelin 17-də məşhur amerikalı jurnalist Taker Karlson Telegram-ın həmtəsisçisi Pavel Durovla müsahibə dərc edib.

Durov bildirib ki, bir il ərzində Telegram istifadəçilərinin sayı milyarda çata bilər.

Mənbə: Gazeta.ru