Tbilisidə etirazçılar Kobaxidze ilə görüş tələb edir

Tbilisidə “Xarici agent”lər haqqında qanun layihəsinə qarşı parlament qarşısında keçirilən aksiyanın iştirakçıları Gürcüstanın Baş naziri İrakli Kobaxidze ilə görüşmək üçün bir neçə məhəllə aralıda yerləşən Hökumət Evinə getməyə qərar veriblər.
Yeniavaz.com xəbər verir ki, bu barədə TASS-ın müxbiri hadisə yerindən məlumat yayıb.
Bildirilir ki, etirazçıların qərarını səhnədən Gürcüstan QHT-lərindən birinin rəhbəri Levan Tsutskiridze elan edib. Onun sözlərinə görə, yürüş dinc keçəcək. O, etirazçıları təxribatlara boyun əyməməyə çağırıb. O izah edib ki, nümayişçilər Kobaxidze ilə danışmaq və qanun layihəsini geri götürməsini söyləmək istəyirlər.