AK rəhbəri Qəzzada soyqırıma göz yummaqda ittiham edildi

Avropa Komissiyasının (AK) rəhbəri Ursula fon der Leyenin Brüsseldə keçirilən silah sammitində çıxışı zamanı insident baş verib. Belə ki, o çıxış edərkən Qəzza zolağında hərbi cinayətlərə göz yummaqda ittiham olunub.

Redaktor.az xəbər verir ki, müvafiq video "X" sosial şəbəkəsində paylaşılıb.

Kadrlarda fon der Leyenin səhnəyə çıxması və tamaşaçıların qışqırtısı ilə qarşılandığı görünür. Etirazçılardan biri AK rəhbərini cinayətkar adlandırıb və onu Qəzza zolağında törədilən soyqırımda iştirakda ittiham edib. Von der Leyen sakit və təbəssümlə qışqıran kişiyə qulaq asıb və o, zaldan çıxarıldıqdan sonra o, çıxışına davam edib.

Qeyd edək ki, aprelin 17-də Avropa Komissiyasının rəhbəri sammitdəki çıxışında Aİ ölkələrini müharibəyə hazırlaşmağa çağırıb.

Turan İSMAYIL