Azərbaycan millisinin sabiq hücumçusu bura çağırıldı – İlk dəfə

Futbol üzrə Azərbaycan millisinin sabiq hücumçusu Rauf Əliyev minifutbol yığmasına çağırılıb.

Sportinfo.az xəbər verir ki, komandanın baş məşqçisi Elşad Quliyev Çalışdırıcı Monteneqroda təşkil olunacaq təlim-məşq toplanışı üçün ötən gün 20 oyunçu dəvət etsə də, heyətdə bəzi dəyişikliklərə əl atıb.

Komandaya yeni cəlb olunanlar arasında “İnter”dən Rauf Əliyev də var. 35 yaşlı hücumçu 2010-2018-ci illərdə futbol üzrə Azərbaycan millisinin heyətində 46 oyun keçirib, 7 qol vurub.

Minifutbol üzrə Azərbaycan yığması aprelin 24-dən mayın 2-dək Monteneqroda təlim-məşq toplanışında olacaq. Yığma aprelin 30-da Serbiya, Bosniya və Herseqovina, Rumıniya, Monteneqro və Albaniyanın qatılacağı turnirdə iştirak edəcək.