Xəzərdə süni torpaq sahələri üçün torpağın haradan daşınacağı məsələsi qaldırılıb

Xəzər dənizində istifadə etmək üçün torpaqları haradan götürəcəyik?

APA xəbər verir ki, bunu Milli Məclisin iqtisadi siyasət, sənaye və sahibkarlıq komitəsinin bu gün keçirilən iclasında “Xəzər dənizinin (gölünün) Azərbaycan Respublikasına mənsub olan bölməsində süni torpaq sahələrinin yaradılması haqqında” qanun layihəsinin müzakirəsi zamanı deputat Rüfət Quliyev deyib.

Rüfət Quliyev bildirib ki, Sinqapur dənizdə süni torpaq sahələrini yaratmaq üçün torpaqları qıraqdan alırlar: “Biz onu haradan əldə edəcəyik? İkinci məsələ dənizdən çınqıl və qumun götürülməsi və istifadəsi ilə bağlıdır. Mən cəzalara baxdım və belə qənaətə gəldim ki, “Kamaz”-la 3-4 dəfə qum götürəndən sonra bu cərimələri ödəmək olur”.