Siyasət
Xorvatiyada xalq sandıq başında
11:37 17.04.2024
- Smartbee
- Şikayət et
Xorvatiyada parlament seçkiləri keçirilir.
Bakupost.az xəbər verir ki, ölkə daxilində və xaricdə yaradılmış seçki mərkəzlərində vətəndaşlar yerli vaxtla saat 07:00-da səs verməyə başlayıb.
Xorvatiyada 151 yerlik milli parlamentə daxil olmaq üçün 2302 namizədin mübarizə apardığı seçkilərdə səsvermə saat 19.00-da başa çatacaq.
Ölkədə 222 min 197 nəfəri xaricdə olmaqla ümumilikdə 3 milyon 733 min 283 nəfər qeydiyyatda olan seçici var.
Seçkidən əvvəl aparılan sorğulara görə, qalib kimi hakim sağ mərkəzçi partiya olan Xorvatiya Demokratik İttifaqı (HDZ) göstərilir.
Seçkilərin ilk qeyri-rəsmi nəticələrinin gecə yarısı açıqlanacağı gözlənilir.
Avropa Birliyinin (Aİ) ən gənc üzvü olan Xorvatiyada hər 4 ildən bir ümumi seçkilər keçirilir.
Elnur
BakuPost
Şərh ()