Türkiyədə bu 73-75% inflyasiya olacaq

Bu il Türkiyədə pik inflyasiya 73-75% olacaq. 

Valyuta.az xəbər verir ki, bu barədə "Ekonomim" qəzeti ölkənin Mərkəzi Bankının rəhbəri Fatih Karahana istinadən məlumat yayıb.

İnflyasiyanın 73-75%, bu ilin sonunda 36%, gələn il 14% və 2025-ci ildə 9% səviyyəsində zirvəyə çatacağını bildirən Karahan hökumətin 5% olan rəsmi hədəfə çatmaq istədiyini vurğulayıb.

Onun sözlərinə görə, Mərkəzi Bank tələbi diqqətlə izləyir. Yüksək faiz dərəcələri müəyyən normallaşma təmin edib.

"İnflyasiya gözləntilərinə nəzarət etmək çətindir, lakin lazım olan hər şey ediləcək", deyə Karahan bildirib.

Ölkənin Statistika İnstitutu (TÜİK) Türkiyədə illik inflyasiyanın fevralda 67,07%-dən mart ayında 68,5%-ə yüksəldiyini açıqlayıb. Eyni zamanda, ENAG qrupunun müstəqil ekspertləri bunu 124,63% qiymətləndiriblər.

Maliyyə naziri Mehmet Şimşək daha əvvəl bildirmişdi ki, ölkə hökuməti 2026-cı ilə qədər qiymət sabitliyinə və təkrəqəmli inflyasiyaya nail olmağı gözləyir.

Paşa Məmmədli