Gürcüstanda turizm gəlirləri yeni rekordlar qırır - FANTASTİK RƏQƏMLƏR
- Smartbee
- Şikayət et
Galt & Taggart investisiya şirkətinin məlumatına görə, 2024-cü ilin birinci rübündə Gürcüstanın turizm gəlirləri ötən ilin eyni dövrü ilə müqayisədə 10,6% artaraq 879 milyon dollara çatıb.
Analitiklərin hesablamalarına görə, mart ayında turizm gəlirləri analoji dövrlə müqayisədə 10,2% artaraq 305 milyon dollar təşkil edib.
Beynəlxalq səyahətçilərin sayı və turizm gəlirləri ilə bağlı rəsmi rəqəmlər aprelin sonunda açıqlanacaq.
Gürcüstanda turizm 2021-ci ilin yayında pandemiya tənəzzülündən qurtulmağa başlayıb. Son üç ildə turizm gəlirləri yeni rekordlar vurub. Milli Bankın məlumatına görə, 2023-cü ildə turizm gəlirləri 2022-ci illə müqayisədə 17,3% artaraq 4,1 milyard dollar təşkil edib. Bundan əlavə, 2023-cü ilin gəlirləri 2019-cu ilin rekord səviyyələrindən 26,2% yüksək olub.
Bundan əvvəl Gürcüstanın baş naziri İrakli Kobaxidze demişdi ki, 2024-cü il turizm gəlirləri baxımından daha da uğurlu olacaq. Xüsusilə, bu il turizm gəlirlərinin 4,5 milyard dollara çatacağı, Gürcüstanın beynəlxalq hava limanlarının isə 6,8 milyon sərnişinə xidmət göstərəcəyi gözlənilir.
Ötən illərdə Gürcüstan turizmdən hansı gəlir əldə edib?
2019-cu il pandemiyadan əvvəl Gürcüstan rekordlarını qırdı. Beynəlxalq səyahət edənlərin sayı 9,3 milyonu ötüb, gəlirləri isə 3,3 milyard dollar təşkil edib.
2020-ci ildə turizm gəlirləri 1,7 milyon beynəlxalq səyahətçi ilə inanılmaz dərəcədə 427,7 milyon dollara düşüb.
2021-ci ildə turizm Gürcüstana 1,2 milyard dollar gəlir gətirib. Ümumilikdə, 2021-ci ildə Gürcüstana təxminən 1,6 milyon turist səfər edib.
2022-ci ilə gəlincə, turistlərdən gələn gəlir 3,5 milyard dollardan çox olub. Ümumilikdə, 2022-ci ildə Gürcüstana 5,4 milyon beynəlxalq səyahətçi səfər edib.