Bu ölkədə 6 minə yaxın bina su altında qaldı

Qazaxıstanda daşqınlar nəticəsində 5,8 mindən çox fərdi yaşayış binası su altında qalıb.

Redaktor.az "TASS"a istinadən xəbər verir ki, bu barədə Qazaxıstan Fövqəladə Hallar Nazirliyi məlumat yayıb.

“Hazırda 5 rayonda 5837 fərdi yaşayış binası, 1353 həyətyanı sahə və 3124 bağ evi su altında qalıb. Daşqın dövrü başlayandan xilasedicilər tərəfindən 116 949 nəfər, o cümlədən 40 781 uşaq təxliyə edilib. Müvəqqəti yerləşdirmə mərkəzlərində 6950 nəfər var", - deyə rəsmi məlumatda bildirilib.

Humay İSGƏNDƏRLİ