"Raiffeisen Bank" Rusiyada qalmaq planları ilə bağlı xəbərləri təkzib etdi

"Raiffeisen Bank International" (RBI) bank qrupunun Rusiyanı tərk etməkdən imtina etmək planları ilə bağlı KİV-də yayılan məlumatlar reallığa uyğun gəlmir. 

Valyuta.az xəbər verir ki, bu barədə TASS-a bankın mətbuat xidmətindən məlumat verilib.

"İş elanları RBI-nin hazırda Rusiyada biznesi azaltmaq üçün gördüyü tədbirləri əks etdirmir. Onlar həmçinin Rusiya biznesi ilə bağlı gələcək planlarımıza uyğun gəlmir", deyə təşkilat bildirib.

Son iki ildə Rusiyada bank kreditlərinin həcmi 56% azalıb. 2024-cü maliyyə ilində RBI Rusiya Federasiyasındakı biznesini daha da azaltmağı planlaşdırır.

"RBI "Raiffeisen Bank"ın qrupdan çıxarılması ilə nəticələnəcək potensial əməliyyat, satış və ya bölünmə üzərində işləməyə davam edir. "Raiffeisen Bank Russia"nı sata bilmək üçün bank əməliyyatları üçün tələb olunan vakansiyaları doldurmağa və ya əlavə etməyə davam etmək lazımdır. Təsdiq edə bilərik ki, işçilərin sayının və əlaqədar xərclərin artması, mümkün satış ərəfəsində "Raiffeisen Bank Russia"nın muxtariyyətinin təmin edilməsi ilə əlaqədardır", deyə mətbuat xidməti qeyd edib.

Paşa Məmmədli