Szinpin Ukraynada sülh üçün 4 prinsip təklif etdi

Çin sədri Si Szinpin Ukrayna böhranının nəzarətdən çıxmasının qarşısını almaq və tezliklə sülhü bərpa etmək üçün 4 prinsip təklif edib.

Axar.az xəbər verir ki, o, bunu Pekində Almaniya kansleri Olaf Şoltsla görüşü zamanı deyib.

“Birincisi, sülhü və sabitliyi qorumağı üstün tutmalıyıq və eqoist mənfəət əldə etməkdən çəkinməliyik. İkincisi, vəziyyəti sakitləşdirməliyik və yanğına körüklə getməməliyik. Üçüncüsü, sülhün bərpası üçün şərait yaratmalı və gərginliyi daha da gücləndirməkdən çəkinməliyik. Dördüncüsü, qlobal iqtisadiyyata mənfi təsirləri azaltmalı, qlobal sənaye və təchizat zəncirlərinin sabitliyini pozmaqdan çəkinməliyik”, - Szinpin bildirib.