Müharibə
Belarusdan Ukraynaya hücum ola bilər
12:45 16.04.2024
- Smartbee
- Şikayət et
Belarusda Rusiyanın “Vaqner” özəl hərbi şirkətinin təlimatçıları Ukrayna ərazisində təxribat törətmək üçün xüsusi təyinatlılara təlim keçir.
Reyting.az xəbər verir ki, bu barədə Ukrayna Milli Müqavimət Mərkəzi Belarusdakı mənbələrinə istinadla bildirib.
Məlumata görə, “Qranit” xüsusi təyinatlı dəstəsinin Ukraynada döyüşmək üçün səkkizinci təlimi burada döyüş koordinasiyasından keçib.
Qeyd edilir ki, yeni yaradılan dəstələrin əsas vəzifəsi Ukrayna ərazisində təxribat işi olacaq. İddiaya görə, “Vaqner” onlara mühəndislik, odlu silah hazırlığı və taktiki tibb üzrə təlim keçir. İddia olunur ki, bu cür bölmələrin əsas silahları tank əleyhinə qumbaraatanlar, avtomatik qumbaraatanlar və “Kalaşnikov” avtomatlarıdır.
Xatırladaq ki, bu ilin yanvar ayında Belarus Daxili İşlər Nazirliyi 5448 saylı hərbi hissənin bazasında daha bir xüsusi təyinatlı dəstənin yaradılacağı barədə məlumat yayıb. Bildirilib ki, bu dəstə qanunsuz silahlı birləşmələrə və təxribat-kəşfiyyat qruplarına qarşı mübarizə ilə məşğul olmalı, həbslər zamanı əməliyyatçılara köməklik göstərməli, sərhəd təhlükəsizliyini gücləndirməlidir.
Eyni zamanda, Belarusun daxili işlər naziri İvan Kubrakov “Qranit”-in Minskdə fəaliyyət göstərəcəyini bəyan edib. “Bu bölmə ona görə lazım idi ki, paytaxtımızda şəhər şəraitində xüsusi tapşırıqları yerinə yetirmək lazımdır”.
Onu da qeyd edək ki, “Qranit” Belarusda sayca 10-cu xüsusi təyinatlı dəstədir. Bundan əvvəl “Tornado”, “Lynx”, “Berkut”, “Storm”, “Buran”, “Honour” və s. dəstələr yaradılıb.
E. KAMAL
Şərh ()