Hakan Fidan Qətərdə onlarla görüşəcək

Türkiyənin xarici işlər naziri Hakan Fidan çərşənbə axşamı Qətərdə Fələstinin HƏMAA hərəkatının nümayəndələri ilə görüşəcək.

Publika.az xəbər verir ki, bu barədə “Hürriyet” qəzeti mənbələrə istinadən məlumat yayıb.

"Xarici işlər naziri Hakan Fidan bu gün Qətərdə olacaq. O, Qətər və HƏMAS rəsmiləri ilə görüşəcək. Digər tərəfdən, müvafiq tərəflərlə təmaslarını davam etdirəcək. Həmçinin 7 ölkədən olan təmas qrupunun (Qəzza üzrə) işi bərpa olunacaq”, qəzet hökumət dairələrinə yaxın mənbəyə istinadəın bildirib.

Bundan əvvəl “Times of Israel” qəzeti yüksək vəzifəli bir məmura istinadən yazıb ki, HƏMAS Qəzza zolağında atəşkəs və girov mübadiləsi ilə bağlı son təklifin bütün bəndlərini rədd edib. Razılaşmanın birinci mərhələsində israilli girovları azad etmək üçün HƏMAS danışıqlar iştirakçılarından tələb edir ki, ikinci mərhələdə İsrail daimi atəşkəsə, İsrail ordusunun Qəzza zolağından tamamilə çıxarılmasına və “fələstinlilərin məhdudiyyətsiz geri qayıtmasına razılıq versin”.