Qaxda yanğın hansı səbəbdən BAŞ VERİB?

Gecə saatlarında Qaxın Qum kəndindəki evlərdən birində yanğın baş verib.

Bizim.Media-nın yerli bürosuna kənd sakinlərinin verdiyi məlumata əsasən yanğın Nuriyyə Əhmədovaya məxsus iki otaqlı evdə baş verib.

Hadisə yerinə Qax Dövlət Yanğından Mühafizə Hissəsinin canlı qüvvəsi və texnikaları cəlb edilib. Görülən tədbirlərə baxmayaraq ümumi sahəsi 63 m² olan birmərtəbəli, iki otaq və eyvandan ibarət evin yanar konstruksiyaları yanıb.
İlkin ehtimalla, yanğına odun sobasının yanılı olması və mənzilin çardağında baş verən nasazlıq səbəb göstərilir. 

Hazırda hadisənin təfərrüatları araşdırılır. 

Tural Rasim oğlu, Bizim.Media, Şimal-Qərb bürosu