Kartof qızartması depressiyaya səbəb ola bilər

Çoxları tərəfindən sevilən kartof qızartması depressiyaya səbəb ola bilər. 

APA xəbər verir ki, Çinin Hançjou şəhərindən olan araşdırma qrupu, qızardılmış qidaların, xüsusilə də qızardılmış kartofun tez-tez istehlakının narahatlıq və depressiya riskini müvafiq olaraq 12% və 7% artırdığını müəyyən edib. 

Bununla belə, ekspertlər araşdırmaların ilkin olduğunu və qızardılmış qidaların psixi sağlamlıq problemlərinə səbəb olub-olmadığının və ya depressiya, narahatlıq əlamətlərini yaşayan insanların qızardılmış qidaları daha çox qəbul edib-etmədiyinin hələ dəqiq bilinmədiyini qeyd edir. 

Araşdırmalara 11 il ərzində 140 728 insan cəlb edilib .