Bu gün "Qarabağ" çempionluğunu təmin edə bilər

Bu gün Misli Premyer Liqasında 28-ci tura start veriləcək.

İlk gündə 2 matç keçiriləcək. Əvvəlcə 3-cü yerdəki "Neftçi" autsayder "Qəbələ"nin qonağı olacaq. Görüş saat 16:30-a başlayacaq.

Digər oyunda "Qarabağ" Tofiq Bəhramov adına Respublika Stadionunda "Kəpəz"lə qarşılaşacaq. Ağdam təmsilçisi bu gün çempionluğu rəsmiləşdirə bilər. Bunun üçün Qurban Qurbanovun komandasına 1 xal da kifayət edir. "Qarabağ" bu gün uduzmasa, son 8 turun nəticəsindən asılı olmayaraq, tarixində 11-ci dəfə Azərbaycan çempionu olacaq.

Qeyd edək ki, 28-ci tura 30 və 31 mart tarixlərində keçiriləcək oyunlara yekun vurulacaq.

29 mart (cümə)

16:30. “Qəbələ” – “Neftçi”
Hakimlər: Cavid Cəlilov, Müslüm Əliyev, Kamran Bayramov, Nicat İsmayıllı
Qəbələ şəhər stadionu

19:00. “Kəpəz” – “Qarabağ”
Hakimlər: Rauf Cabarov, Namiq Hüseynov, Rahil Ramazanov, Vüqar Həsənli
Tofiq Bəhramov adına Respublika Stadionu

30 mart (şənbə)

16:30. “Səbail” – “Turan Tovuz”
Hakimlər: Rəvan Həmzəzadə, Cəmil Quliyev, Teymur Teymurov, Fərid Hacıyev
“ASCO Arena”

19:00. “Sabah” – “Zirə”
Hakimlər: Elçin Məsiyev, Elşad Abdullayev, Pərvin Talıbov, Rauf Allahverdiyev
“Bank Respublika Arena”

31 mart (bazar)

18:00. “Sumqayıt” – “Araz-Naxçıvan”
M.Hüseynzadə adına Sumqayıt şəhər stadionu