Rusiya NATO ilə döyüşmək fikrində deyil – Putin

Rusiya NATO ilə döyüşmək niyyətində deyil. Vətəninfo.az xəbər verir ki, bu barədə Rusiya prezidenti Vladimir Putin bəyan edib və bütün bu bəyanatları “xəyalpərəstlik” adlandırıb.

“2022-ci ildə ABŞ müdafiə xərclərinə 811 milyard dollar, Rusiya 72 milyard dollar xərcləyib, 72 və 811… yaxşı, fərq hiss olunur, 10 dəfədən çox. ABŞ-ın müdafiə xərcləri qlobal müdafiə xərclərinin təxminən 40 faizini, Rusiyanın isə 3,5 faizini təşkil edir. Biz isə bu nisbəti nəzərə alaraq, NATO ilə döyüşməyə hazırlaşırıq… bu, sadəcə cəfəngiyyatdır”, – Putin bildirib.

“Əgər Sovet İttifaqı dağılandan sonra Rusiyanın təklif etdiyi kimi Avropada təhlükəsizlik sahəsində tamamilə yeni münasibətlər qurulsaydı, bu gün belə bir şey olmazdı. Sadəcə olaraq, bizim maraqlarımızı nəzərə alacaqdılar”, – Putin bildirib.

O əlavə edib ki, Rusiya NATO sərhədlərinə doğru irəliləməyib. Rusiya Federasiyasının prezidenti həmçinin bəyan edib ki, “Xüsusi Hərbi Əməliyyatlar” zamanı Rusiya Rusiyanın tarixi ərazilərində yaşayan öz xalqını qoruyur.

“Ona görə də bizim Ukraynadan sonra Avropaya hücuma keçməyimiz tamamilə cəfəngiyyatdır, onlar öz xalqlarını sırf onlardan pul qoparmaq üçün terror edirlər”, – Rusiya prezidenti bildirib.