"Xabi Alonsonu "Liverpul"un baş məşqçisi kimi görmək istəyirəm"

"Liverpul"un sabiq müdafiəçisi Qlen Conson "Bayer"i çalışdıran Xabi Alonsonu komandanın baş məşqçisi kimi görmək istəyir.

Futbolpress.az xəbər verir ki, o, hər şeyin zamanla həll olunacağını deyib:

"Xabi Alonsonu "Liverpul"un baş məşqçisi kimi görmək istəyirəm. Lakin zaman hər şeyi həll edir. Mövsümün sonunda bilinəcək ki, komandaya kim rəhbərlik edəcək".

Premyer Liqa təmsilçisinin baş məşqçisi Yurgen Klopp mövsümün sonunda komandadan ayrılacaq.

Conson 2009-2015-ci illər aralığında "Liverpul"un uğurları üçün çalışıb.