Rusiya neft emalı zavodu fəaliyyətini tamamilə dayandırdı

Kuybışev neft emalı zavodu yanğından sonra hər iki neft emalı blokunu bağlamaq məcburiyyətində qalıb və bununla da hasilatı tamamilə dayandırıb.

KONKRET.az xarici mediaya istinadən xəbər verir ki, keçən şənbə pilotsuz təyyarənin hücumu ilə neft emalı zavodunda baş verən yanğın 9500 ton/gün gücündə olan AVT-5 əsas qurğusuna ziyan vurub.

Mənbələrdən birinə görə, AVT-4 hücumdan təsirlənməsə də, zədələnmiş AVT-5-ə texnoloji cəhətdən bağlı olduğundan fəaliyyətini davam etdirə bilməyib.

Samaradan 10 kilometr cənubda yerləşən Kuybışev Neft Emalı Zavodunun orta yükü 2024-cü ilin fevralında sutkada 12 min ton, martın birinci yarısında sutkada 12,5 min ton, nominal gücü 20 min ton olmaqla neft emal edib.

Martın 16-da Rusiyanın Samara vilayətində daha bir neft emalı zavodu olan Sızran hücuma məruz qalıb, o da yanğından sonra fəaliyyətini dayandırıb.

Reuters-in hesablamalarına görə, xarici təsirdən sonra qəzalı vəziyyətdə olan ilkin neft emalı aqreqatlarının ümumi məhsuldarlığı martın 25-nə sutkada 124 580 tona bərabər olub ki, bu da Rusiyada mövcud ilkin qurğuların ümumi gücünün 14%-ni təşkil edir.

Ariz Həsənoğlu,

KONKRET.az