"Qarabağ"ın futbolçusu Yassin Benzia Avropa Liqasının pley-off mərhələsində "Braqa"nı məğlub edərək (ilk oyun - 4:2, cavab oyunu - 2:3) 1/8 finala adlamaqları barədə danışıb.
QOL.az xəbər verir ki, 29 yaşlı yarımmüdafiəçi Bakıdakı cavab görüşündən sonra jurnalistlərə açıqlamasında söyləyib: "Qəliz oyun idi. Biz bu gün mübarizə apardıq və tarix yazdıq. Çox möhtəşəm hisslər yaşayırıq".
O, 1/8 finalda "Liverpul"la qarşılaşmağı arzuladığını söyləyib: "Bilirik ki, sonraki rəqiblərimiz böyük olacaq. Potensial rəqiblərimiz TOP klublardır. Mən isə "Liverpul"u görmək istəyərdim. Gözləyək, görək, püşkatmanın nəticəsi necə olacaq. Biz hər bir rəqibə hazırıq".
Qeyd edək ki, 1/8 final mərhələsinin püşkatma mərasimi bu gün Bakı vaxtı ilə saat 15:00-da başlayacaq.
