AZ

Yassin Benzia: "Braqa"ya qarşı matçda emosional hisslər yaşadıq

Yassin

Bakı, 23 fevral, AZƏRTAC

"Braqa"ya qarşı matçda emosional hisslər yaşadıq. Bu oyunun sonda xeyrimizə yekunlaşması bizi çox sevindirir".

AZƏRTAC xəbər verir ki, bu sözləri "Qarabağ"ın futbolçusu Yassin Benzia UEFA Avropa Liqasının pley-off mərhələsinin cavab matçı çərçivəsində Bakıda Portuqaliyanın "Braqa" klubuna qarşı oyundan sonra jurnalistlərə açıqlamasında deyib.

Otuz yaşlı yarımmüdafiəçi növbəti mərhələdə qarşılaşacaqları istənilən rəqiblə oyunlara hazır olduqlarını bildirib: "İndi püşkatmanın nəticəsini gözləyirik. Avropa Liqasının bu 1/8 final mərhələsində zəif rəqib yoxdur. Hansısa komandanın adını çəkəsi olsam, İngiltərə "Liverpul"unu qeyd edə bilərəm. Bu kollektiv mənim xoşuma gəlir".

Qeyd edək ki, səfərdəki ilk matçda rəqibinə 4:2 hesabı ilə qalib gələn "Qarabağ" iki görüşün nəticəsinə əsasən tarixində ilk dəfə 1/8 finala vəsiqə əldə edib.

 

 

Seçilən
178
Mənbələr
Şərh ()
Bağla