İsrail ordusu Rəfah şəhəri və Nuseyret Qaçqınlar Düşərgəsinə qarşı hücumlarını davam etdirir. Ordu 5-ci gücləndirici hərbi hissəni Rəfah şəhərinə göndərdiyini açıqlayıb.
Turkustan.az xəbər verir ki, İsrail ordusunun Qəzza zolağının cənubundakı Rəfah şəhərinə hücumları davam edir.
Əvvəllər Rəfahın şərqində yerləşdirilən İsrail tankları şəhərin mərkəzindəki Yibna məhəlləsi ətrafında yerləşdirilib.
Şiddətli toqquşmalar oldu.
HƏMAS İsrail qüvvələrinə cavab verib. Qəssam Briqadaları İsrailin iki zirehli avtomobilini tank əleyhinə raketlərlə vurduqlarını açıqlayıb.
“The Times Of Israel” qəzetinin xəbərinə görə , İsrail ordusu may ayının əvvəlindən Rəfahda olan 162-ci Diviziyaya qoşulmaq üçün Rəfah şəhərinə Nahal Briqadasını göndərib.
Givati Briqadası, 401-ci Briqada, Komando və Negev birliklərindən sonra Nahal Briqadası Rəfahdakı quru hücumlarında iştirak edən 5-ci hərbi hissə oldu.
İsrail ordusundan verilən açıqlamada, hücumların Rafah şəhərinin Braziliya və Əl-Şəbura məhəllələrində həyata keçirildiyi bildirilib.
Şahidlərin bildirdiyinə görə, İsrail ordusu Qəzza zolağının cənubundakı Filadelfiya dəhlizində (Qəzza ilə Misir arasındakı sərhəd) Rəfah şəhərinin qərbində quru hücumlarını genişləndirib.
Şahidlər İsrail hərbi maşınlarının Filadelfiya dəhlizində, Rəfah şəhərinin Misir sərhədinə paralel məhəllələrində irəlilədiyini bildiriblər.
Birləşmiş Millətlər Təşkilatı İsrailin Rəfah əməliyyatının başlamasından bu yana təxminən 800 min fələstinlinin bölgəni tərk etdiyini açıqlayıb.
ABŞ-ın müdafiə naziri Lloyd Ostin israilli həmkarı Yoav Gallant ilə telefonla danışıb.
Ostin regionda humanitar və hərbi əməliyyatların koordinasiyası üçün effektiv mexanizmin yaradılmasının vacibliyini vurğulayıb.
Eltac Zülfüqaroğlu/Turkustan.az
