AZ

“Təhsilin İnkişafında İnnovativ Metodlar II” müsabiqəsinin qalibi BANM-ın tələbələri oldu - FOTOLAR

Elm və Təhsil Nazirliyi, Təhsilin İnkişafı Fondunun təşkilatçılığı və “Lenovo Global Technology Azerbaijan” MMC-nin tərəfdaşlığı ilə Ümummilli Lider Heydər Əliyevin anadan olmasının 101-ci ildönümünə həsr olunmuş “Təhsilin inkişafında innovativ metodlar II” müsabiqəsinin qaliblərinin mükafatlandırılması mərasimi keçirilib. 

"Unikal" xəbər verir ki, tədbirdə çıxış edən Təhsilin İnkişafı Fondunun İdarə Heyətinin sədri Elnur Nəsibov bu müsabiqənin keçirilməsində əsas məqsədin Ulu Öndərin elmə, təhsilə və gənclərə qayğısını rəhbər tutaraq, tələbələrin təhsilin inkişafına töhfə verəcək ideyalarının dəstəklənməsi olduğunu bildirib. 

Sonra Bakı Ali Neft Məktəbinin rektoru Elmar Qasımov qalib tələbələri təbrik edib, onlara uğurlar arzulayıb. Belə müsabiqələrin tələbələrin gələcək həyatında xüsusi əhəmiyyətindən danışıb. Daha sonra qaliblər mükafatlandırılıb. I yerin qalibləri “Olympus” təqdimatı ilə Bakı Ali Neft Məktəbinin tələbələri Tamerlan Ağayev və Əkbər Bünyadzadə olub. III yerin qalibləri də Bakı Ali Neft Məktəbi tələbələridir. Onlar “Cücələrim” təqdimatı ilə Aydan Eyvazova, Fidan Ağakişiyeva və Nübar Həsənquliyevadır.
 

Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
318
19
unikal.az

10Mənbələr