İran İsrail və ABŞ-la eyni anda qarşılaşa biləcəyini bildirib

"Tehranın eyni vaxtda İsrail və ABŞ-ı qarşıdurma potensialı var". Bizimyol.info xəbər verir ki, bu açıqlama ilə İslam İnqilabı Keşikçiləri Korpusunun Əl-Qüds xüsusi təyinatlı qüvvələrinin (SEPAH, İran Silahlı Qüvvələrinin elit bölmələri) koordinasiya məsələləri üzrə müavini, general-mayor İrəc Məscidi çıxış edib. “İsrail ilə qarşıdurmamız onun tam məhvinə qədər davam edəcək. Hadisələrin istənilən formada irəliləməsinə hazırıq. Bu gün amerikalılar İsrail tərəfində döyüşmək istəsələr belə, bizim onlarla döyüşmək imkanımız var”, - deyə İranın Tasnim agentliyi generalın sözlərindən sitat gətirib. Məscidi qeyd edib ki, Tehran üçün aprelin 13-də axşam saatlarında yəhudi dövlətinin ərazisinə raket və pilotsuz təyyarələrlə kütləvi hücum “tarixdə bu cür və miqyasda ilk əməliyyat olub”. Generalın sözlərinə görə, İsrail rəhbərliyi İslam Respublikasından belə addımlar gözləmirdi və Qərb ölkələrinin nümayəndələri “tez-tez zəng və mesajlarla” İranı əməliyyat keçirməkdən çəkindirməyə çalışırdılar. İran İslam İnqilabı Keşikçiləri Korpusunun xüsusi təyinatlı qüvvələrinin komandir müavininin sözlərinə görə, “İran düşmənə məqbul bir dərs verib”. Məscidi əlavə edib ki, aprelin əvvəlində İsrailin Dəməşqdəki İran konsulluğunu atəşə tutmasına cavab olaraq İranın hücum hədəfləri “əvvəlcədən müəyyən edilib”. Onun fikrincə, əməliyyatın uğuru "raketlərin və pilotsuz təyyarələrin dəqiq müəyyən edilmiş hədəfləri vurması" və "insanlar arasında itkilərin olmaması" ilə bağlıdır. Aprelin 13-ü axşam saatlarında İran İsrailə qarşı pilotsuz təyyarələr və raketlər ataraq bunu “çoxsaylı cinayətlərə”, o cümlədən İslam Respublikasının Dəməşqdəki səfirliyinin konsulluq bölməsinə İsrailə aid edilən hücuma cavab adlandırıb. İran dövlət mediasının məlumatına görə, yəhudi dövlətinə edilən hücumların hədəfi hərbi hədəflər olub. İsrail Müdafiə Qüvvələri İran mərmilərinin 99%-ni tutduqlarını və Nevatim aviabazasına cüzi ziyan dəydiyini bildirib. Qadir, Bizimyol.info

• tags
• tags