“Mayın 13-də saat 8:00-dan etibarən etiraz hərəkatı İrəvanda və bütün Ermənistanda total itaətsizlik aksiyalarına başlayır”.
Musavat.com “Sputnik-Armeniya”ya istinadən xəbər verir ki, bunu arxiyepiskop Baqrat Qalstanyan bildirib.
Qeyd edək ki, hazırda Ermənistanın paytaxtı İrəvanda hakimiyyət əleyhinə növbəti etiraz aksiyası keçirilir. Etirazçılar Ermənistanla Azərbaycan arasında sərhədlərin delimitasiyası prosesinin əleyhinədirlər. Onlar mayın 12-də də aksiya keçiriblər. Aksiya zamanı 12 nəfər saxlanılıb.
