Sabirabadda avtomobil maneəyə çırpılıb, iki nəfər yaralanıb.
“Report”un Aran bürosunun məlumatına görə, hadisə şəhərin Vidadi küçəsində qeydə alınıb.
Belə ki, hərəkətdə olan “Mercedes-Benz” markalı avtomobil anidən idarəetmədən çıxaraq yolun kənarındakı maneəyə çırpılıb.
Qəza zamanı Sabirabad şəhər sakini, 1987-ci il təvəllüdlü Cəlal Əlipənah oğlu Ələkbərov və Bakı şəhər sakini, 1987-ci il təvəllüdlü Xeyrulla Seyfulla oğlu Cəfərov müxtəlif dərəcəli xəsarətlər alıb.
Onlar Sabirabad Rayon Mərkəzi Xəstəxanasına çatdırılıblar.
Faktla bağlı araşdırma aparılır.
